無心插柳，找到這本繪本散文集
有時，我也想看一點可以輕鬆閱讀，又可以快速看完的書．
作者年齡漸長後，更懂得愛護母親，內文不乏她的童年片段．看看此頁中間的一段，憶述自己少女時代，中了頭獎的經歷，有點逗趣．
看書總會學到東西的，在漫畫頁內我就學到做圓形飯糰的秘訣：
這篇後記，正正是我的旨望．若Bibi日後對我有同樣的體會，乎復何求？
2011年2月28日 星期一
2011年2月27日 星期日
Homemade Tiramisu
有人約咗阿仔去灣仔既Il Bel Paese意大利餐廳食晏，做阿媽既，循例都要睇下間野係邊架．
去Openrice度望下先！
咦，呢度既自家製意大利咖啡芝士蛋糕好似幾靠得住喎．．．．
我：你一陣去食飯果度，睇下有冇外賣Tiramisu啦．
仔：你鍾意食意大利菜呀？
我：唔係，我淨係要食Tiramisu唧．
估唔到佢真係咁醒，買到返黎喎！
個樣都幾ｏｋ喎．
我叫嬸嬸試下，可以知己知彼．
嬸嬸：個樣都幾似我果ｄ喎．
佢既蛋糕底放咗好多咖啡酒，比較濕既．味道都唔差，有八十幾分架．
老實講，點及得上嬸嬸整果ｄ吖．
爸爸就卑鄙啦，乜有酒架？
冇酒就唔係Tiramisu啦．
爸爸：咁我淨食面頭果層啦．
你就想！咁底果層邊個同你食呀？人地要由頭畢到底，連埋一齊食，味道先平衡架麻．
2011年2月26日 星期六
摘桔日
今年正月十四，公司已把兩盆桔移走．大家立即進行摘桔大行動．
我摘了一大袋，分了一半給鄰居．
先浸一會，再用神奇棉逐顆仔細清洗．
一面洗，一面嗅著桔子的香氣．
好不容易洗乾淨，再用４８度熱水沖洗幾遍．
用廚房紙逐顆抹拭，讓它們吹一晚，翌日早上，顆顆油潤亮澤，因為天氣開始潮濕，立即移入房內抽濕．
沒有合適的容器，只好把一瓶2009年的開封，再轉移，騰出瓶子來用．
把原有的半製成品轉到較小的瓶子，清洗乾淨這個大瓶，再高溫消毒，又可以擔當新任務了．
想不到抽濕機的威力驚人，黃昏回家，桔子已乾到縐皮了．想不到６６個桔子連瓶子也裝不滿，幸好買了四包鹽，勉強裝好．（這瓶的前身只裝了５６顆呢．）
這瓶2008年的珍藏，打算放到Bibi出嫁時做嫁妝！Bibi聽到後，爆笑出來．
爸爸：有人循環再用這些鹽的嗎？
我想不會吧．
爸爸：那不是很浪費？
也沒法子吧，據聞這些液體，可以用來沖飲，對喉痛亦有幫助．
因為轉移到小瓶後，有很多桔鹽剩下來，我即晚做了一個小實驗．
晚餐灼油菜時下了這些桔鹽調味，菜煮好後，沒啥怪味啊！
用來煮豉油雞翼（當然不是用現成豉油雞汁啦），只放了老抽及一點桔鹽調味，不知是自己廚藝好，還是心理作用，出來的效果很好呢！
不過，不想留一大瓶桔鹽在家，不知要食到何時才能用罄，實驗過後，就全部棄置了．
各位家中有浸桔子的朋友，可會試一試呢？
2011年2月25日 星期五
新版Orangettes橙皮朱古力
若大家未能觀看完整圖片，可到這兒: 新版Orangettes橙皮朱古力
原來九成人喜歡吃橙皮朱古力，尤其為Bibi泡製過蛋糕的Ann，那就冒著天氣回潮之險，再做一次改良版．
星期五在ThreeSixty買了$14.9三隻大橙，帶兩個回家，即晚花了一小時，切橙皮煮橙皮．
我覺得最佳處理方法如下：
1. 橙皮處理法：
橙皮保留白色部份（若有太鬆的白色部分，可以削走一些）．
2011年2月24日 星期四
2011年2月23日 星期三
桃花靚
食完團年飯，仲有時間去屯門既花市氹一轉．
我地主攻桃花，可惜檔檔都係un豬咁，買唔落手，仲索價$168，連一粒有潛質爆開既花都唔見，點買得落手呢？
今年既人流最多，說得上係逼添！但都俾我地行到一半就搵到心頭好．你地都見有幾粒紅花啦．
插起都好大棵下，你地估幾＄呢？
咪睇ｄ花蕾只有波子咁大粒
開出黎，直徑都有雞蛋咁大架．
擺到初三，開始有ｄ睇頭．
睇住ｄ花蕾越來越大粒
又開多幾朵花
睇怕遲ｄ就會更茂盛
早上我仲用牙籤同佢地人工授粉
唔知會唔會結到桃仔呢？
我呢朝仲發現有一隻蚜蟲叔叔添，由得佢係度玩下啦．
爸爸就成日係度影影影，由人地剛剛開始開花，影影下就朵朵都影．
不過重瓣既桃花真係幾靚既．
因為佢部機勁ｄ，所以可以連花蕊都睇到．
如果用埋閃光燈，就連ｄ毛毛都影埋．
咁ｄ花實在有幾大朵呢？可以睇下呢兩幅．
其實有ｄ仲大架，但因為背住我地，唔就手，費事影．
拿，呢ｄ就係正牌並蒂花啦！
見佢地越開越多，亦越來越靚
我繼續專誠用牙籤同佢地授粉
中間果枝就係雌蕊啦
側邊果ｄ就係雄蕊，成熟時就會爆開，有花粉粒粒既
將ｄ花粉四維high
俾朵奇葩你地睇下啦：
佢有幾特別？登登登dun！
客位觀眾．．．．．
佢有三枝雌蕊架！
係咪好清楚呢？
棵桃花放到十六，仍然茂盛，今年實行行正桃花運，人緣急升咯！
訂閱：
文章 (Atom)