2014年7月31日 星期四

Say it on Chocolate?

這是送給我的手信



包裝精美的一小盒朱古力


一盒三件,名叫Say it on Chocolate


小羊就是這品牌的標誌。


誰知打開,我真係服得佢好緊要! 朱古力上面係冇字既! 就好似一個大大既騙局,只得盒面的"I 服了 U",連朱古力的味道也是C-級別,死未!?

2014年7月30日 星期三

天時暑熱遊水塘

一個星期六,同爸爸一早起身去行城門水塘行下。




坐巴士去荃灣,再轉$4.9小巴,唔駛15分鐘就到啦。




呢日大至天晴, 間中
有驟雨,所以水塘都不斷有水湧入。



呢一片地衣長得好好,顯示這一帶污染程度較低。




時雨時晴,另有一番風景。




間中陽光普照,大家都汗流浹背。




我有帶遮,亦有帶超,所以冇有怕。




只差沒有見著彩虹。





原來這兒可以遠眺獅子山



途中少不免會遇到這些路霸,大家千萬別在牠們面前開背包,取物件,亦不要拿著背心袋之類既東東走過,否則被搶事少,有身體接觸事大,醒你一個咸馬騮手印就夠你臭一大輪啦。




牠們三五成群的,我連水也不敢拎出來飲,真怕牠會來摸我一把呢! (因為我曾在金山郊野公園見過有遊人遇到有呢種悲劇)




如斯暑熱,裏裏外外都濕透,好彩有部勁力風扇傍身,暑氣大減。




爸爸: 好多蚊呀,行埋D啦。

你估佢真係咁好心呀? 去完之後,佢一粒蚊爛都冇呀,我呢....你地睇下:



係隻無名指度針咗一下,腫到隻戒指都爭D除唔甩呀!

2014年7月29日 星期二

晚餐@ Rustico

Bibi路過長沙灣,見D2 Place地下開了一間西班牙餐廳,提議黎呢度試下。


咁我就放工同佢黎呢度拍拖拖啦。


佈置好warm既小餐館,櫃頂仲有小鵝在偷看我們呢!


OPEN KITCHEN,可以見到廚師在努力為大家服務。


可能是新開張,一切東西都光亮整潔。


先來一客兩件蕃茄包


芒果汁鯷魚小多士


侍應撤走餐盤時,會即時給你換上新餐碟,很細心的服務呢。


西班牙海鮮飯,呢度既碟頭比較細,大家可以多點幾樣東西嚐嚐。


原本打算留肚吃甜品的,怎知Bibi說仍餓著呢,哪就再點一客炸蟹肉薯餅,意想不到的好吃,大家要小心燙啊。


甜品時間


Bibi的焗香草酥皮卷伴紅莓汁,好精緻的賣想,薄薄的糖玻璃罩蓋著小小果子,紅莓汁甜甜的,配上微酸的小果子,很平衡。


我呢,早就覬覦那款招牌Tiramisu,附小瓶沾醬,一邊用小匙伴著吃。


分了一半給Bibi,但結帳後她仍嚷著有點餓,下回都是到份量大一點的餐廳進餐吧。



2014年7月28日 星期一

學人玩插花(二) : 小小花束,祝你生日快樂!

這是一份生日小禮物,送俾愛蛙之友。



特別製作畫工差勁的迷你小卡(約1cm),我搏你睇唔清,hehe。




放在盒中,賣相亦可以,




睇怕都冇人送過咁丁丁既一盆花俾你賀壽,祝你身體健康,生活愉快!

2014年7月25日 星期五

逛書展2014

雖然今年書展,拎住首兩日日場正價入場券票尾,可以在週末三晚免費入場一次,但我地都係買全票入場。



2014年7月24日 星期四

Happy Birthday of Old 4 2014

仲記唔記得我早輪做既呢D豬仔卡? 我自己本身就幾鍾意佢架,所以好滿意呢個印仔。而且油完顏色之後既效果都唔錯,就更加珍惜佢啦。

2014年7月23日 星期三

花彫雞麵

嬸嬸推介在759買既花雕雞麵,專登拎碗我試下。



之前Bibi去台中參觀酒廠,見佢都有買碗類似物體黎食。我都有興趣試下。



打開入面有乾麵餅、味粉、油包、酒包及雞肉料理包。



將油及味粉放入,加水。



加返蓋掩,將雞肉包放在上面座熱。



幾分鐘後打開,放入雞肉料理及酒料,就成為一碗香噴噴既花雕雞麵啦。



麵質爽滑,味道唔錯,但咁重口味既野,試過就了啦,唔好成日食呀。

2014年7月22日 星期二

2014年7月21日 星期一

學人玩插花(一)

係櫃桶底搵到幾個呢D花盆仔,買果陣又諗住咁、又咁、又咁。但買咗返黎,又係放埋一邊,家陣終於的起心肝睇下可以整D咩啦。


2014年7月17日 星期四

讀書養志

確有很長一段時間沒拿起雕刻刀,未有合適的題目嘛。




暑假來了,這一句很適合送給年青人,尤其是森麻仔。有人問我: 志字不是士字頂的嗎? 其實書法上土字亦通。



這一款字體不好雕,很易出事。



幼的該幼,一個小波浪,就會改寫原作神緒。



第一印,志字的心要修一修,讀字的賣也要改。



微修正後,大概可以了。



其實每次做好一個印,實在除了試印外,都沒蓋上幾次。



希望這一個印,對大家更有貢獻。