2014年12月30日 星期二

Groupon

自從有咗團購呢樣野之後,我都多咗網上購物。我多數都只係買餐券,或者直接到店內換領的購物券,好少去物流中心取貨既。幫襯過好幾間團購公司,好幾次都係其他人幫我提貨。

有次就同爸爸去長沙灣既廠廈,感覺唔太好。今次我見係銅鑼灣,就自己去。


2014年12月29日 星期一

2014年12月24日 星期三

2014年12月23日 星期二

聖誕版麥維他

踏入十二月,我個心就時時刻刻係度諗買咩得意野俾小朋友架啦。估唔到呢個牌子都出咗聖誕版。


2014年12月22日 星期一

大自然

今年冬至,Bibi要上夜班,那我們就提前一家三吃頓素菜當過節吧。

訂了六時半的檯,人到了,還要等上十分鐘。訂檯時已經知道只可入座一小時就要交檯。

這是前菜,可是加了香料的土豆絲?

2014年12月19日 星期五

荷蘭芝士波

原本我眼尾都唔會稍呢盒野既,但有日我係銅鑼灣區價真棧聽到兩個女仔係度討論零食。其中一個話: 呢個牌子好食架,可惜呢間冇芝士波,真係好食到爆。如果你下次見到有得賣,一定要挑戰下芝士波,冇介紹錯架!


2014年12月18日 星期四

潮庭

今次去完High Court唔駛去力寶軒飲茶啦,我地去和記大廈既潮庭。



呢間都係潮州酒樓黎



都算豪俾我地,檯面既潮州咸菜、豆干、青瓜、花生都比較大碟,仲有成三碟添。



黎到就梗要食鵝片既



仲叫咗川椒雞



胡椒豬肚湯,呃人既,一D都唔辣。



糖醋兩面黃,D後生最鍾意,酸甜野我唔like,咁耐以來,我一啖都冇食過。



炒蘿蔔糕



燕窩蛋撻



煎腸粉,激正!合晒我標準,夠熱、顏色又對版、味道又好。



方魚炒芥蘭,食咗好耐都清唔到碟,D小朋友唔係好主動食菜咋喎。



沙律蝦角,呢度有蝦既點心都唔錯架。



鮮蝦腐皮卷、芋絲春卷、韭菜棵



藕餅,唔會太咸,好食。



帶子餃、蝦餃



燒賣



其實我地仲有叫埋珍珠雞同鮮竹卷架。




味道相當有水準,點心亦做得認真,用料新鮮,連珍珠雞都咁有內涵,並不是大路貨。

果然係一個飲茶既好地方!

2014年12月17日 星期三

主賜恩福

朋友半退休,主力在教會侍奉,與一班婦女在教會製作各式賀卡,送予會內兄弟姊妹。見臨近佳節,就做一做宗教意味的印章給她做卡。



因為自知有老人癡呆,所以一做好就事先張揚,好等有機會見面時,她可以提我帶出街。



個賜字同福字既寫法都有D特別,所以對我黎講都有D難度。



好彩都唔差,似模似樣。




2014年12月16日 星期二

2014年12月15日 星期一

工展會2014

13/12/2014,工展會開幕,遇上星期六,相約友人入場逛逛。

這款小餅乾來自西班牙,$30兩盒。有原味及朱古力味,含五穀及多種維他命,小朋友良伴。



港產涼果,話梅黃皮,味道不錯。$50三包。



香港包裝的馬來西亞產100%白胡椒粉,$15。



購買胡椒粉或其他調味料,可加$20換購一枝米糠油。亦可憑場刊優惠券以$100購買三枝一公升裝米糠油。



港產茶籽人參洗髮露,$96兩枝。



護髮素$22一枝



$20青瓜洗面膏



憑場刊優惠,可以$88購去蒂一口菰。



這是什麼?



懲教署攤位的環保堆肥泥,$1一包,認真賣大包!



有機甘栗,$50兩包。



茨實$45、杞子$55



$50六包美味棧醃菜,欖菜及香菜粒都是新產品。




2014年12月12日 星期五

無矽配方護髮產品

從前,大家都話洗髮用品應該間唔中轉下。

我早輪一路都用住位元堂既中藥洗髮產品,覺得都唔差。但一轉返用Rejoice就明顯覺得質素真係差好多,但都開咗咯,都要捱埋佢架。

又去買定D新既做存貨先。

呢個品牌,我未試過架,但佢有樣好吸引我既重點,就係無矽!


2014年12月11日 星期四

栗子朱古力糰子

到底呢D一粒粒既東東實在應該呢咩呢? 台灣人好似叫麻薯,日本人就叫Mochi,即糯米糰子之類既點心。



2014年12月10日 星期三

Dinner buffet @ The Place

上月Bibi生日,我地黎呢間餐廳食自助餐。自助餐時段為6:30-10:00,我倆放工都搞到成七點半先去到,無所謂啦,反正都唔食得幾多。

係咁意巡一圈,冷盤既蝦、青口、小龍蝦、生蠔、螺、長腳蟹等,我都唔好既。


2014年12月9日 星期二

My Melody @ 屯門市廣場

雖然我住屯門,實在唔太留意市中心幾時變成咁。咁快又換咗畫拿?


今次呢個係我細個時排到最尾先會揀既Sanrio卡通人物,當年選擇少,得Little Twinstar、Hello Kitty同埋My Melody三種架咋。



其實呢個系列都好多可愛配角既。


但我就麻麻地鍾意佢地


7/12果日,去尖沙咀觀完禮返黎,見到佢地,都專登走埋去影下相,相信都好多朋友喜歡佢既。


我見到D細路女都好興奮,猛叫Daddy同佢影相。


好難得先影到冇閒雜人等,見到呢個小妹妹都唔算好殺風景,就照俾佢入鏡啦。


呢個郵箱上既雀仔,係聖誕版架。


我明明記得隻狐狸唔係咁樣架喎,唔通我記錯?


大大小小既Melody,都幾靚架。


夢幻一樣既場景,設計相當精美,而且預留空間供大家拍照,算set得唔錯。


現場設有歷年經典產品,或者你地屋企都仲有收藏都未定。


唔係嚇你,我屋企都多多少少有啲架,全部都係唔覺意仲留係度既唧。